Jafnrétti í skólum

Það læra börnin sem fyrir þeim er haft

Félags- og tryggingamálaráðuneytið, menntamálaráðuneytið, Jafnréttisstofa, Jafnréttisráð, Reykjavíkurborg, Hafnarfjarðarkaupstaður, Akureyrarkaupstaður, Kópavogsbær, Mosfellsbær og fleiri sveitarfélög vilja leggja sitt lóð á vogarskálarnar til að ungt fólk fái tækifæri til að ákvarða framtíð sína og geti valið sér nám og störf óháð kyni. Þessir aðilar hafa skrifað undir samstarfssamning um þróunarverkefni sem miðar að því að auka og efla jafnréttis- og kynjasjónarmið í skólastarfi, þ.e. í leikskólum og grunnskólum. Stýrihópur sem í eiga sæti fulltrúar frá framangreindum aðilum hefur séð um undirbúning og skipulag verkefnisins og hefur Arnfríður Aðalsteinsdóttir verið ráðin verkefnisstjóri til eins árs.